همستنا اليوم هى نصيحة, بنقولها بلغة عربى فصيحة , وفيها بنقول

                                                    الحق ياوزير قبل الكرسى مايطير                                         

" التعليم "

      أولادنا بقوا فى إيدك امانة , حافظ عليهم قبل إللى ماتتسما ماتدخل عليهم وهي متوحشة وجعانة , ونفقد منهم فلان وفلانة , من الجامعة لحد الحضانة, وبلاش تكون زى إللى فات, كل اللى كنا بنخده منه إبتسامات امام العدسات والكاميرات .

 

 "المواصلات "

إقرأ الفاتحة للعياط من بعيد وظبط امور السكة الحديد, من الفلنكات لغاية الجرارات, وغير لمبات السنافورات, وفتش على المزلقانات وابراج المراقبة, واكشاك التحويلات .

                                    وبلاش نروح بعيد … فرجنا على انجازاتك زى ماعملت فى البريد ..

" الصحة "

ياريت نكون صادقين فى القرارات إللى بيتعالج بيها المحتاجين والمحتاجات لرفضها من أغلب الجهات, وكمان نصلح ونجهز سيارات اسعاف المستشفيات ,والاجهزة العطلانة حتى الثلاجات , ونراقب غرف العمليات والعنايات , ونشوف حقوق الدكاترة والممرضات وبلاش نخدر الناس بالتطعيمات واللى ماتتسمى بقت زى لاعب الاكروبات وخلاص اللى فات منها فات واللى مات مات!!.

     ياريت إللى قلناه يحصل قبل ما نصحى يوم ونقول هى إقالة ولا إستقاله , المهم أهو ساب الوزارة .